«Жасыл ел – болашақ кепілі» атты экологиялық-патриоттық жоба ұйымдастырылып, оның аясында ағаш отырғызу, гүлдерді күту, табиғат бұрышын ұйымдастыру, қоршаған ортаны қорғауға бағытталған тәрбиелік жұмыстар жүргізілді. Жоба балалардың табиғатқа деген сүйіспеншілігін арттырып, экологиялық мәдениетін қалыптастыруға ықпал етті. 

«Отбасы – мектеп өмірінің табалдырығында» тақырыбында бастауыш сынып мұғалімдері мен ата-аналардың қатысуымен дөңгелек үстел ұйымдастырылды. Дөңгелек үстелде балаларды мектепке дайындаудағы отбасының рөлі, мектепке бейімделу кезеңіндегі психологиялық қолдау, ата-ана мен педагог арасындағы серіктестік мәселелері талқыланды. Қатысушылар өзара пікір алмасып, тәжірибелерімен бөлісті.